Book Information
ISBN13 | 9788412288339 | |
---|---|---|
Número de páxinas | 128 | |
Data de publicación | 10-2020 | |
Authors: | Iago Torres (Ilustrador), Tomás González Ahola |
12,00€
Dril e Gat viven no Val, que é un lugar pequeno pero confortábel. Alí non hai guerras, tampouco propiedades. Todo o mundo colabora no sustento dos demais. O mellor de todo é que a través dos cristais do Val vense as estrelas máis fermosas.
Porén, algo terríbel acontece e de súpeto acaban nun lugar inmenso e estraño ao que chaman a Terra. Alí, os destinos da xente son dominados por un goberno tiránico ao que moi poucas persoas se atreven a facerlle fronte.
Malia que só son unha moza e un mozo adolescentes, a súa chegada pode cambiar o futuro de millóns.
Autor: Tomás G. Ahola
Ilustrador: Iago Torres
ISBN13 | 9788412288339 | |
---|---|---|
Número de páxinas | 128 | |
Data de publicación | 10-2020 | |
Authors: | Iago Torres (Ilustrador), Tomás González Ahola |
Naceu en Cobres, Vilaboa, o 14 de febreiro de 1981 e polo momento aínda non ten pensado abandonar este mundo. Licenciouse en Filoloxía Clásica pola Universidade de Santiago de Compostela, onde tamén cursou estudos de posgrao en Teoría da Literatura e Literatura Comparada. A súa inquietude, que ás veces chega a niveis próximos á enfermidade, levouno a aprender e exercer toda clase de oficios, como o de músico de verbena e sesión vermú, electricista non cualificado, editor idealista, impresor sen título e ultimamente, escritor de mentiras. No ano 2006 fundou Urco Editora, onde seica aínda traballa ás veces. En 2008 tamén foi responsábel do nacemento de Sacauntos Cooperativa Gráfica, unha imprenta que fornece de libros baratos a media industria editorial galega. En 2011, produto dunha insolación grave, decide fundar a empresa editorial Contos Estraños, xunto co escritor e colega Fernando M. Cimadevila, por se non lle chegaba cunha soa editora. A súa primeira novela, Galiza Mutante: Poder Nuclear! publicouse cun pé un Urco e outro en Contos Estraños, no ano 2013. Despois viñeron Alaia e a deusa (Urco 2014), Derradeiro bis en catro-corenta (Redelibros 2015) e Da fría e distante Estrela Polar (Urco 2016). Ultimamente pasa todo o tempo que o traballo lle permite na comarca de Fisterra, saltando entre os cons na procura dalgunha criatura mariña que se levar á boca e tecendo historias que oscilan entre o arrepío e o espanto. Así e todo, sabe que nun futuro non moi afastado as autoridades acabarán por prendelo e recluílo nun zoolóxico tras dun cartaz de advertencia que poña «Non dean de comer aos escritores».
Dril e Gat viven no Val, que é un lugar pequeno pero confortábel. Alí non hai guerras, tampouco propiedades. Todo o mundo colabora no sustento dos demais. O mellor de todo é que a través dos cristais do Val vense as estrelas máis fermosas.
Porén, algo terríbel acontece e de súpeto acaban nun lugar inmenso e estraño ao que chaman a Terra. Alí, os destinos da xente son dominados por un goberno tiránico ao que moi poucas persoas se atreven a facerlle fronte.
Malia que só son unha moza e un mozo adolescentes, a súa chegada pode cambiar o futuro de millóns.
Autor: Tomás G. Ahola
Ilustrador: Iago Torres
Only logged in customers who have purchased this product may leave a review.
Reviews
There are no reviews yet.