Contos Estraños, v. 06: Lendas de Gallaecia

Description

Neste volume en que se fecha a Primeira Era de Contos Estraños, as novas voces da fantasía galega traen até os nosos días as lendas de meigas e ánimas, mouras e aparecidos, nun compendio de relatos no que descubriremos que, quizais, os vellos contos das nosas avoas non sexan tan alleos á vida actual como nos imaxinamos.
Percorreremos xuntos os vieiros aínda neboentos e misteriosos da antiga e eterna Gallaecia e ao mellor, no momento menos pensado, descubriremos os segredos inenarrábeis daquilo que sempre nos pareceu familiar.