Axenda

Presentación da primeira novela de María Alonso Alonso, Despois do cataclismo, publicada por Urco editora na Libraría Lila de Lilith.

Intervirán a autora, o editor, David Cortizo Conde, e dúas lectoras do libro, que formularán preguntas á autora.

Despois do cataclismo é unha historia sobre un futuro que moito se asemella ao pasado; unha reflexión sobre o sen senso da represión estrutural contra o que sae da norma; o conto dunha heroína sen nome, dun home que perde o entendemento, dunha comunidade que vive baixo terra, duns lideres que non permitirán ningún tipo de rebelión. Despois do cataclismo non queda nada, porque a violencia sempre leva á fin.